粵語血淚

點解我學唔識廣東話？點解？我唔信，我一定要努力，我要憑著我一雙手，再學唔識，就叉死自己。我一定要努力！!！(以上仿阿信的語氣）

唉！廣東話，我俾你害到雞毛鴨血人格破產。

初來香港嗰時，都唔知人地嗡乜，自作主張，將普通話歪歪吓，好似就係廣東話，容也易。
於是我一揮玉手，坐上架的士（我底叫做計程車，呢度叫的士，買廁紙番視度又叫士多，可能香港地零舍唔同，士農工商，唯士是尚。）我話：「去(釆离)線道。」個死揸車佬話：「落車。」我：「你不知螭線道嗎？」擅：「我知你螭鬼線？」卒之我欏出筆，寫埋「漆咸」，個揸車佬一輪交叉星，好彩我聽唔明。仲有一日，我喺尖東撞到人就問：「請問邊度有大卵公？」唔知點解，個個人望吓我，冇晒表情。

我打電話返屋企問老公：「大卵公點行？人地約我。」老公電話裡，笑得似ET。原來「欖」俾我讀成「卵」最弊「小欖公」個「小」又記錯成「大」。（註：「小欖公」，是一家飯店）

點解？點解我學唔識廣東話？我唔會放棄嘅，，我唔會低頭嘅。拿出我的熱情，伸出我的雙手讓我們雞同鴨講……（明天會更好？)